తన జ్ఞాపకాలు...

తన అడుగుల జ్ఞాపకాలు

పున్నమి వెన్నెల్లో, విచ్చుకున్న మల్లెపూలలాంటి పాదాలతో

తను వేసే అడుగులు మల్లెలల్లోని మెత్తదనాన్ని గుర్తుచేస్తున్నాయి. 

అమావాస్య చీకట్లో వెలిగే దీపావళి దీపాలలాంటి ఆమె పాదాల వెలుగులోనే 

నా మనసులోని ఆశలన్నీ కనిపిస్తున్నాయి.

పట్టీలున్న తన పాదాలతో నా హృదయ వీణపై పరిగెడుతూ

ఎదో సంగీతాన్ని పలికిస్తోంది.

నా మనసుపై తను వేసే ప్రతి అడుగూ ఒక చెదరని జ్ఞాపకంలా నిలిచిపోతోంది,

ఎందుకంటే తన అడుగులు, తన జ్ఞాపకాలు నాకు ఎంతో ప్రత్యేకం.